صلاة جماعة إيمان ونور

يا يسوع، جيت على أرضنا حتى تعلّمنا نحبّ بعضنا، وحتى تخبّرنا عن بيّك وتقول إنوّ هوّي بيّنا كمان، اعطينا روحك القدّوس يلّي وعدتنا فيه حتى نصير أدوات سلام ووحدة بهالعالم المليان حرب وتفرقة. يا يسوع، إنت دعيتنا نتبعك ضمن جماعة من إيمان ونور بدنا نقلّك، نعم، بدنا نعيش عهد المحبّة بهالعيلة الكبيرة يلّي عطيتنا ياها حتى نتشارك آلامنا وصعوباتنا أفراحنا ورجانا علّمنا نكتشف وجّك وحضورك بكلّ إخوتنا وخيّاتنا وخصوصاً الأكتر شي ضعاف، علّمنا نتبعك على دروب الإنجيل يا دايما واقفين مع العدرا عل إجرين يسوع! نحنا متّكلين على مريم، هيي أوّل وحدة استقبلتك بأحشائها. ساعدنا حتى نكون الصليب القريب من كلّ المصلوبين بعالمنا. ساعدنا حتى نعيش متلها، من خلال قيامتك. آمين.